عرض نادي النصر السعودي للتعاقد مع كريستيانو رونالدو بعد كأس العالم .. مبلغ خرافي وجورجينا تريد ذلك

هل تتخيل أن كريستيانو رونالدو يلعب في الدوري السعودي؟.. الكلام ده حقيقي فبعد إعلان رحيله عن نادي مانشيستر يونايتد بالتراضي قبل كأس العالم في قطر بدأت العروض على الدون.
لكن كان أبرز عقد له من نادي النصر السعودي واللي هيكون أغلى عقد في العالم.. إيه تفاصيل العرض؟ وإيه الرقم الخرافي اللي هياخده رونالدو؟ وهل هيجيب معاه جورجينا في السعودية؟.. تفاصيل كتيرة نكشفها في الفيديو ده..

من وقت إعلان النجم البرتغالي الدولي كريستيانو رونالدو، إنهاء تعاقده مع مانشستر يونايتد بالتراضي والرحيل فورا عن النادي؛ إلا أن الكلام عن العروض اللي بتجيله كل يوم بتزيد على الرغم من أنه مشغول في الوقت ده لأنه يقود فيه منتخب بلاده في كأس العالم قطر 2022.
لكن كان العرض المفاجئ واللي أصبح حديث الناس هو من نادي النصر السعودي وأن رونالدوا ممكن يلعب ويعيش في دولة عربية لأول مرة في حياته.. مش بس كده الكل أصبح بيدور على تفاصيل العرض وممكن يضمون أمتى؟
بعض المواقع الصحفية السعودية كشفت عن تفاصيل عرض الموسم من نادي النصر السعودي لضم كريستيانو رونالدو في خلال الانتقالات الشتوية الجاية عشان يلعب مع الفريق بداية من شهر يناير اللي جاي.

العرض ده هو الأغلى في العالم، من نادي النصر السعودي، لدرجة أنه هيخلي كريستيانو رونالدو هو اللاعب الأغلى في العالم عشان يتفوق على نجم باريس سان جيرمان “مبابي” اللي يعتبر أغلى لاعب في العالم دلوقتي.. لكن قائد البرتغال وهو في عمر ال37 هيكون الأغلى.
طيب إيه هي تفاصيل العرض ده؟
صحيفة الشرق الأوسط السعودية كشفت عن تفاصيل العرض اللي هيكون بمبلغ خرافي يحصل عليه اللاعب خاصة أنه هو لاعب حر من غير نادي.. يعني النصر مش هيحتاج يدفع فلوس لنادي عشان يشتريه لان كل الفلوس هتروح لرونالدو.
نادي النصر عرض على قائد البرتغال حوالي 100 مليون يورو سنويا لعقد يمتد 3 مواسم، يعني بحوالي 300 مليون يورو وده العرض الأعلى المقدم لصاحب الـ 37 عاماً، لانه مفيش فريق هيقدر يقدم له عقد زي ده.

صحيفة الشرق الأوسط السعودية قالت إن نادي النصر عرض على كريستيانو رونالدو أنه هياخد بنسبة كبيرة من قيمة العقد في البداية مقابل أنه يلعب مع النادي بداية من يناير اللي جاي.
كمان كشفت أن رونالدو موافق بالفعل على العرض وأن المفاوضات بين النصر ووكيل كريستيانو رونالدو وصلت لمرحلة متقدمة، لكن اللاعب طلب تأجيل التفاوض إلى ما بعد كأس العالم عشان هو مركز على البطولة عشان يقدر يحقق فيها إنجاز تاريخي خاصة أنها ربما تكون البطولة الأخيرة اللي يشارك فيها مع البرتغال.
مواقع سعودية تانية قالت إن رونالدو لو وافق على العرض هيجي يعيش في السعودية لكن بدون عائلته اللي عايشة بين إسبانيا والبرتغال ومش هيقدروا يعيشوا في الشرق الأوسط.. لكن في نفس الوقت قالت أن جورجينا صديقة الدون ربما تيجي على فترات تعيش معاه وترجع تاني لكنها مش هتعيش معاه بشكل مستمر في السعود