مفيش كلام في الوسط الرياضي إلا عن القرار الصادر من النادي الأهلي، بطرد الإعلامى إبراهيم عيسى وشطب عضويته من النادي ومعه الإعلامية هناء حمزة.
بس القرار ده وراء مفاجآت وكواليس كتيرة.. إيه بالظبط اللى حصل، وإزاي الزمالك كان السبب؟ ده اللى ها نقوله ليكم فى الفيديو ده.
من شويه طلع قرار من النادى الأهلي بشطب عضوية الإعلامي إبراهيم عيسى من عضوية النادي، الكل طلع يسأل ليه عملوا معاه كدا، وهوا إعلامي كبير وليه مكانته فى البلد يعنى.
السر طلع عند نادى الزمالك، إبراهيم عيسى معروف بحبة وتشجيعه لنادى الزمالك، بيتباهى كمان بكدا، نقدر نقول عليه مغرم يعنى.
بيكتب عن نادى الزمالك كتير وبيتكلم فى حقه حلو دايما فى برامجه التليفزيونية، وكان طلع قبل كدا بتيشيرت الزمالك لما فاز بالدوري موسم 2021 – 2022، احتفالا به، ونشر الصورة عنده على انستجرام، وكتب عليها:” مبروك لنا .. للزملكاوية .. رحلة الإنجاز والإعجاز”.
وكمان طلع من فترة وأتكلم بشكل مش كويس على جماهير النادي الأهلي ومحمود الخطيب، قال إن الشعار اللى بيقوله جماهير النادى الأهلي وإن الأهلي فوق الجميع، ده شعار مش صح، وغلط أنه يتقال، وكمان على الخطيب أنه من أول ما مسك إدارة النادى الأهلى والنادى ما بقاش تمام.
الغريب بقا إن النادى الأهلى، سكت على كل الكلام ده فتره كبيرة لحد ما طلع فى نص الشهر اللى فات قرارا ان بالتحقيق قانونيا مع إبراهيم عيسى من قبل مجلس إدارة النادى الأهلى، وانهاردة طلع القرار الأخير بشبطة من النادى، بعد ما إبراهيم عيسى، نفض للنادى الأهلى ومارحش التحقيق اللى كان مطلوب ليه.
على فكرة، قرار النادى الأهلى بشطب عضوية إبراهيم عيسى ماكنش لوحده، كان معاه هناء حمزة، ودى بطلة النادى الأهلى فى كرة الطائرة سابقا، وماسكة منصب كويس فى اتحاد الكرة النسائية.
النهاردة الأهلى طلع قرار بشطب عضويتها بعد كلامه بشكل سيئ على النادي وإدارته بسبب أزمة ابنتها الأخيرة وانتقالها لصفوف فريق الطائرة بالزمالك .
وقررت إدارة النادى التقدم ببلاغ للنائب العام، ضد هناء حمزة، نائبة رئيس اتحاد الكرة الطائرة؛ لتجاوزها في حق الأهلي عبر وسائل الإعلام، وقيامها بتوجيه اتهامات باطلة للنادي بالتزوير في عقد ابنتها مريم مصطفى لاعبة الفريق الأول للكرة الطائرة، وهو العقد اللى وقعت عليه بحضور والدتها قبل أسابيع ولمدة أربع سنوات قدام.
قرارات النادى الأهلى تم الإعلان عنها تلفزيونيا وعلى لوحة إعلانات النادي فى المقرات التلاتة بتوعه، المقر الرئيسى فى الجزيرة ومدينة نصر والشيخ زايد.
في نفس الوقت أعلن النادي الأهلي عن فسخ تعاقده مع استاد السلام عشان بكده يكون مش هو الاستاد الخاص بالنادي الفترة الجاية في الوقت اللي هيلعب فيه الأهلي مبارياته على استاد القاهرة وده بناء على طلب المدير الفني كولر، بسبب أرضية الملعب الوحشة في استاد السلام واللي كانت سبب في إصابة بعض لاعبي الفريق.
