الكرة المصرية

بند غير قانوني .. خبير لوائح ينتقد الأهلي في وضع شرط عودة أحمد ريان

المهاجم الشاب أحمد ياسر ريان على أعتاب الانتقال إلى سيراميكا كليوباترا في صفقة بيع نهائي مقابل بيع شادي حسين للأهلي في نفس الصفقة، ولكن الأهلي حاول يأمن نفسه وحط بند مثير عشان يضمن مستقبل اللاعب.

انتقال أحمد ياسر ريان لسيراميكا كليوباترا بشكل نهائي أثار غضب جماهير الأهلي بشكل واسع جدًا عشان هو لاعب يعتبر مستقبل النادي خصوصًا وإنه بس 23 سنة، خصوصًا إن شادي حسين عنده 28 سنة وهو اللي خلى الجماهير تتسائل ليه يتم بيعه بشكل نهائي.

لكن تم التأكد بعد كدا إن الأهلي حط بند في عقد بيع أحمد ياسر ريان لسيراميكا كليوباترا عشان يقدر يشتريه مرة تانية ويكون لييه هو أحقية الشراء مقابل مبلغ مالي حوالي 20 مليون جنيه بس على مدار الـ4 مواسم اللي في عقده دا.

الأهلي أمن نفسه بإنه يقدر يتعاقد مع أحمد ياسر ريان تاني بمجرد دفع 20 مليون جنيه حتى لو فيه نادي تاني قدم عرض أكبر لأنه حط بند أسبقية شراء في العقد، ودا عشان يأمن لاعب للمستقبل لو حب يرجعه تاني للفريق.

لكن فيه خبير لوائح اسمه عامر العمايرة أكد إن البند دا مش قانوني نهائيًا ولو حصل وتم تفعيله فعلًا والأهلي دفع 20 مليون جنيه في حين كان فيه نادي تاني مقدم عرض أكبر مش من حق سيراميكا يوافق على بيعه لأحمد ياسر ريان.

وخبير اللوائح دا أكد إن أي نادي يحط البنود اللي زي دي في عقود لعيبته بيكون عمل فعل غير قانوني وممكن يتعاقب عليه لدرجة توصل لإيقاف القيد وغرامات مالية، بالتالي فالناديين مش هيقدروا يفعلوا العقد دا خلال مواسم العقد دي.

الأهلي حاول يضم شادي حسين واللي كان خيار أول لتدعيم خط الهجوم بتاعه، وفي نفس الوقت ميخسرش أحمد ياسر ريان بشكل نهائي عشان يقدر يرجعه تاني لو حب دا واللاعب أثبت نفسه في المستقبل ويكون ضامن إنه مخسروش نهائيًا، زي ما بنقول حاول يكون ضرب عصفورين بحجر واحد.

لكن مع عدم قانونية دا، هل هيكون الأهلي قادر يستفيد من الشرط دا ولا هو حجر واحد بدون هدف ومش هيقدر يستفيد منه؟

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى