هاجم أحمد عيد عبدالملك لاعب نادي الزمالك ومنتخب مصر السابق، أحمد مرتضى منصور عضو مجلس إدارة القلعة البيضاء، وذلك بعد هجومه على أيمن يونس.
وكتب عيد عبر حسابه على موقع التواصل الإجتماعي “تويتر”: البطولات وقف القيد .. فشل في تجديد عقود نجوم الفريق .. بيع نجوم الفريق”.
وتابع حديثه: “بيع اهم لاعب في مركزه بدون نسبة اعادة بيع ورجوعه علي المنافس، ١٠ سنين مخدتش دوري ابطال الي كابتن ايمن معاه منه ٣ .. وابوك الي بيخوض في اعراض الناس واللاعيبة الي في النادي”.
وواصل: فرع ٦ اكتوبر الي روحت اتصورت جنب الونش وجيت ..النادي الي بقي ١٠٠ الف عضوية ومحدش بيعرف يقعد فيه .. ده حتي فشلت تظبط المنبه تصحي اخوك يدفع غرامة اتشيمبونج وصحيته علشان يتكتك لبابا في الانتخابات.
وواصل تصريحاته: “هو انت عمرك اخدت قرار او اي حد معاك يقدر ياخد قرار انتو صورة بس !!”.
واختتم: “ادخل بقي كدة علي كلامك ده لكابتن ايمن الي محدش ينفع يتقارن برباط جزمته ودمه الي كان بيسيل في الماتشات علشان يعمل تاريخ للنادي وشوف رد فعل الناس لو لقيت ١٠ معاك من الجمهور يبقي انت الكسبان”.
وكتب أيمن يونس على تويتر: “الساده أعضاء المجلس المتبقين ..اذا كان لديكم ذره حب متبقيه جوه قلوبكم ل نادي الزمالك ..فاستقيلوا حتي نتذكر لكم موقف جيد ..و كفااااايه بجد”.
وتابع حديثه: “أما عن شيكابالا الاسطوره المخلص ابن نادينا جينات .دم ..روح .ف انا اشهد لك انك في كل مواقفك كنت عاشق للزمالك و جماهيره ..بدون مزايدات”.
من جهته رد عليه أحمد مرتضى وكتب: “استقيل ليه ؟! يا كابتن أنا واخد بطولات اكتر من حضرتك ١٠ مرات سواء عندما كنت لاعب أو إداري هل منطقي لو في اخفاق موسم واحد استقيل”.
وأكمل: “للأسف الكلام بيكون قدام الناس كلام وفي الغرف المغلقه كلام تاني كابتن ايمن عندنا شغل اكتر من الكلام لو حابب تساعد تشرف دا نادينا كلنا لحضرتك كل الاحترام”.
