الكرة المصرية

أول رد من ممدوح عباس على مرتضى منصور وكشف حقيقة الحجز على أرصدة الزمالك

في تطور جديد للأحداث اللي بتحصل في نادي الزمالك وأزمة الحجز على أرصدة النادي في البنوك.. خرج ممدوح عباس للرد على مرتضى منصور وتصريحاته لأول مرة عشان يكشف تفاصيل اللي بيحصل.

رد ممدوح عباس كان فيه تفاصيل كتيرة أبرزها أنه اتهم مرتضى منصور أنه كل كلامه كذب وأنه أصلا فاشل إدارياً.. إيه اللي حصل ويه تحداه على الهواء؟.. تفاصيل كتيرة نكشفها في الفيديو ده.

مع أزمة التصريحات اللي قالها مرتضى منصور رئيس نادي الزمالك وإن ممدوح عباس والحجز اللي عمله على أرصدة الزمالك في البنوك هيؤدي إلى انهيار النادي والفرق كلها هتنزل تلعب درجة تاني.

أصدر المكتب الإعلامى لرجل الأعمال ممدوح عباس رئيس نادى الزمالك السابق بيان صحفى للرد على تصريحات مرتضى منصور رئيس النادى الحالى.

وفي أول رد من ممدوح عباس على مرتضى منصور بعد التصريحات الأخيرة عن أزمة الحجز على أرصدة الزمالك وعدم القدرة على صرف المرتبات وسداد المستحقات المالية للاعبين والفرق الرياضية

ووفق ما جاء فى البيان الصحفى فإن ممدوح عباس أكد أن مرتضى منصور بيتحمل وحده التقصير الشديد فى إدارة النادى والتخبط فى سداد المستحقات المالية للاعبين والإداريين والفرق الرياضية المختلفة

ممدوح عباس قال إن مرتضى منصور بيحاول يعلق الفشل الإدارى اللي هو السبب فيه في النادي بتوجيه اتهامات باطلة واختلاق أكاذيب ليست صحيحة، مثلا زي الإدعاء كذبا بالحجز على جميع الحسابات البنكية لنادى الزمالك ، وهو أمر غير سليم نهائيا.

كمان قال إن نادى الزمالك بيمتلك أكتر من 12 حساب بنكى بالجنيه المصري والعملات الأجنبية بجميع البنوك المصرية، وأن مرتضى منصور رئيس نادي الزمالك الحالي بيتمتع بكل الصلاحيات البنكية سواء بالإيداع أو السحب باستثناء حساب واحد فقط وهو المحجوز عليه وده بيكون حساب فرع بنك مصر بسور نادى الزمالك.

مش بس كده لكن ممدوح عباس تحدى مرتضى منصور أن يخرج على الهواء ويظهر للرأى العام أي مستند يفيد بالحجز على أى حساب بنكى آخر لنادى الزمالك فى أى من البنوك المصرية باستثناء فرع بنك مصر بسور نادى الزمالك

ممدوح عباس قال كمان إن الأموال المحجوز عليها حوالي 44 مليون جنيه ، فى حين أن حسابات النادى الغير محجوز عليها فيها فلوس بالملايين ا ويمكن من خلالها سداد المستحقات المالية للاعبين والفرق الرياضية والإداريين .

لكنه قال إن مرتضى منصور كعادته بيعمل كده عشان عايز يخلق حالة من الجدل حواليه وتصدير المشاكل عن نادى الزمالك وربطها بآخرين غيره لتعليق شماعة فشله في إدارة النادي وكذبه عليهم.

ممدوح عباس اختتم بيانه وهو بيقول إنه حزين على اللي بتقدمه قناة نادى الزمالك على شاشتها من سب وقذف للرموز الوطنية يوميًا على لسان مرتضى منصور ، كمان هو حزين على تسخير القناة لتصفية الحسابات بدل ما تكون قناة تعبر عن صوت كل الزملكاوية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى