الكرة العالمية

بيحب مدينة أبوظبي وتعلق بزيارة المساجد.. هل يعتنق هالاند الإسلام؟

هل ممكن يكون هالاند اعتنق الإسلام؟.. ده السؤال اللي كتير من محبي النجم النرويجي مهام نادي مانشستر سيتي الإنجليزي بيسألوه في الوقت الحالي بعد جولاته في المساجد وإعجابه الكبير بها.

بس يا ترى ليه هالاند بيزور المساجد؟ وإيه قصة الدخول في الدين الإسلامي؟ وهل ممكن يعيش في أبوظبي؟ وليه بيحب المدينة دي؟.. أسئلة كتيرة هنجاوب عليها في الفيديو ده.

حالة من الجدل الكبير بيعيشها النجم هالاند المهاجم الأسطوري اللي بيقولوا عليه هيكون مهاجم مفيش زيه وبيكسر كل الأرقام القياسية في الأهداف لكل المهاجمين الكبار اللي سبقوه، وده بسبب أن لاعب نادي مانشستر سيتي بتترد أخبار كتيرة عن اقترابه من اعتناق الدين الإسلامي.

بس يا ترى إيه اللي حصل؟

البداية كانت لما فاجئ لاعب كرة القدم النرويجي آرلينج هالاند، المحترف في صفوف نادي مانشستر سيتي الإنجليزي، جمهوره بنشره صور لمسجد الشيخ زايد الكبير في أبو ظبي بدولة الإمارات على حسابه على انستجرام. بيعبر فيها عن حبه للمسجد الكبير وشكله الرائع.

الصور فتحت مجالات كبيرة عن السبب اللي خلى النجم النرويجي يزور فيه المسجد.. مش بس كده لكن الناس قالت إنه مش أول مرة يزور المسجد ولكنه بيروح يزوره لفترات دايما وده اللي خلى التكهنات تطلع حول اعتناقه الدين الإسلامي، خاصة أن الأخبار اللي خرجت أنه استغل أن فريقه مانشستر سيتي لكرة القدم، عامل معسكر للاستعداد لاستئناف الدوري في الإمارات، أثناء إقامة كأس العالم بقطر 2022، وتوقف لدوريات في العالم.. لكنه ساب كل حاجة وراح المسجد

مسجد الشيخ زايد الكبير اللي انبهر بيه هالاند وأصبح بيزوره كله شوية، عبارة عن تحفة فنية الللي بتخليه من أشهر الأماكن السياحية في أبوظبي، نظرا لتصميمه المعماري الفريد اللي يمزج بين النمط الإسلامي واللمسة العصرية، وده اللي خلى اللاعب مش مصدق أنه في مكان بالجمال ده وياخد صور كتية هناك.. خاصة أن المسجد مساحته كبيرة وبتوصل لحوالي 22,412 متر مربع، ويتكون من أربع مآذن يبلغ طول كل واحد 106 متر، وله تلات أشكال هندسية مختلفة، الجزء العلوي اللي هي قاعدة المأذنة وبتكون شكل المربع، والجزء التاني من المأذنة وبياخد شكل 8 أضلاع، والجزء الثالث بيكون على شكل أسطواني.

لكن التحفة الفنية دي مش بس اللي انبهر بيها هالاند، لكن بعض المواقع الصحفية كشفت عن أنه زار مساجد تانية وده الي خلاه بيحب المساجد ومنبهر بشكلها.. كمان هو بيحب مدينة أبوظبي وبيسافر لها وله صديق عربي مقرب جدا منه وهو عمر كماني مالك شركة بيرتي ليتل ثينج، واللي بيظهر معه في صور كتيرة وهو في أبوظبي.

كل الكلام ده عمل حالة من الجدل حول إمكانية اعتناق هالاند للدين الإسلامي طالما بيحب المساجد وبيحب الحياة العربية وده اللي خلى تريند في وقت قصير والكل بيسأل هل ممكن يعملها النجم النرويجي حتى لو في المستقبل، وسط حالة من الغموض حوالين الامر، لكنه دايما بيروح يزور المساجد من وهو صغير:

في نفس الوقت أثار والد مهاجم المان سيتي، إرلينج هالاند، قلق الجماهير، بالحديث عن إمكانية رحيله عن مانشستر سيتي في الفترة اللي جاية، خاصة أنه نفسه يشوف ابنه في الدوري الإسباني.

وقال والد هالاند ووكيله، لفرانس فوتبول، إن ابنه ممكن يقعد سنين كتيرة في مانشستر سيتي لأنه فريق رائع.. لكن ابنه يريد الرحيل عشان عايز يثبت نفسه في الدوريات الكبرى بالذات في الدوري الإسباني.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى