معقولة خلاص أبوصلاح هيمشي من ليفربول.. ده الكلام الجديد اللي بيتقال الفترة دي عن إن نهاية أبومكة مع ليفربول أصبحت على الأبواب.
إيه اللي حصل؟ وليه محمد صلاح هيمشي من ليفربول في الصيف؟ وياترى هيروح فين؟.. تفاصيل كتيرة نكشفها في الفيديو ده.
الجماهير بتحب محمد صلاح، ومحمد صلاح بيحبهم، ولكن شكل الحكاية انتهت بين الأثنين، كلام كتير طلع الفترة دى عن أن محمد صلاح نجم فريق ليفربول خلاص هايمشى من الفريق.. هل الكلام ده حقيقى ولا لا، ده إلى هنعرفه مع بعض.
محمد صلاح وفريقه بقوا في المركز السادس في ترتيب الدورى الإنجليزى، يعنى من الأخر كده بقوا في أواخر ترتيب الدورى بعد ما خسروا مبارتهم الأخيرة 3/ .
ومع الخسارة دى، والمستوى الضعيف اللي بيمر بيه ليفربول ومعاهم محمد صلاح، مابقاش قدام أبومكة أنه ينافس على مراكز كبيرة في الدوري، ويلبي رغباته وطموحاته إلى هو متعود عليها دايما.
السؤال اللى كلكم بتسألوه دلوقتى، إيه علاقة ده برحيل محمد صلاح عن ليفربول، الحقيقة أن الحكاية كلها مرتبطة ببعضها، محمد صلاح نجم كبير وحابب دايما يبص لقدام ويحقق بطولات كبيرة وياخد جوايز كتير، والأزمة والنتائج السيئة اللى واقع فيه ليفربول الأيام دى، أكيد مش مساعدة صلاح.
لما نيجى نبص للأرقام اللى حققها محمد صلاح خلال الأيام الى فاتت، هانلاقى أنه جاب 7 أجوان بس في الموسم ده، وده خلاه في المركز الـ 11 في ترتيب هدافى الدوري الإنجليزي.
اللى يغيظ صلاح أكتر بقا، ان هارى كين، وده منافس صلاح هناك، بقا هوا في المركز الثانى في قائمة هدافى الدوري.
البابا جه البابا حضر .. الفترة دى البابا فيها هو اللاعب النرويجى إيرلينج هالاند الى جايب لحد دلوقتى 21 هدف في 17 مباراة فقط.
كل الأرقام الى فاتت تخلى محمد صلاح مش قادر حرفيا أنه يفوز بأي لقب، لا يبقى هداف ولا هايبقى الأفضل في الدوري الإنجليزي.
وكمان جات أفريقيا تكمل على محمد صلاح، وبقا مش قادر حرفيا على الحصول على لقب الأفضل فيها، بعد نجومية الأفارقة الفترة دى في كأس العالم، أشرف حكيمي وحكيم زياش.
يبقى هنا لما نبص لكل الكلام إلى فات ده، نقدر نقول ببساطة، إن محمد صلاح، فرصه انه يمشى عن ليفربول بقيت كبيرة جدا، خصوصا لو ماقدروش يأخذوا أي مركز مؤهل لدورى أبطال أوروبا الموسم الجاى.
الفكرة بقى، أن لو محمد صلاح هيمشي فعلا عن ليفربول فياترى سعره هيكون كان، السعر تقريبا هايكون قريب من 85 مليون جنيه إسترليني.
طيب وياترى هيروح فين؟
الرقم ده هو اللي طلبه ليفربول الفترة اللي فاتت من برشلونة لو عاوزين محمد صلاح فهل ممكن ينتقل للبارسا الفترة الجاية؟
